२२ असोज, काठमाडौं । यस वर्षको नोबेल शान्ति पुरस्कार ट्युनिशियाको नेशनल डायलग क्वार्ट्रेटलाई दिने घोषणा भएको छ ।
नोबेल पुरस्स्कार समितिले शुक्रबार सन् २०१५ को नोबेल शान्ति पुरस्कारको घोषणा गरेको हो । २०११ मा ट्युनिशियामा भएको ‘जस्मिन रिभोल्यूशन’ पछि भएको राजनीतिक हत्या र अस्थिरताका बीच ट्युनिशियाको नेशनल डायलग क्वार्ट्रेट गठन भएको थियो ।
ट्युनिशियामा लोकतन्त्र स्थापनामा महत्वपूर्ण योगदान गरेको भन्दै समितिले नोबेल शान्ति पुरस्कार दिने निर्णय गरेको हो । देश गृहयुद्वमा रहेका बेला ‘नेशनल डायलग क्वार्ट्रेट’ले नयाा विकल्प दिएको र शान्ति स्थावित हुने भसोरा दिएको नोबेल समितिले जनाएको छ ।
नोबेल शान्ति पुरस्कारका लागि २७३ दावेदार थिए । जर्मन चान्सलर र पोप फ्रान्सिस पनि दावेदारको सूचीमा थिए ।