चन्द्रनिगाहपुरको गौरही जंगलमा ट्रकमा आगजनी

१३ मंसिर, रौतहट । रौतहटको चन्द्रनिगाहपुरको गौरही जंगल क्षेत्रमा मालबाहक ट्रकमा आगजनी भएको छ ।

सुनसरीबाट काठमाडौंका लागि छुटेको ना २ ख ९७६४ नम्बरको ट्रक गौरहीको जंगल क्षेत्रमा अज्ञात समूहले आगजनी गरेको हो ।

ट्रकले बाँस बोकेको थियो । आगजनीबाट ट्रकमा रहेको बाँस जलेको छ भने ट्रकमा क्षति पुगेको छ ।

आगजनी कसले र किन गर्‍यो भने खुल्न नसकेको प्रहरीले जनाएको छ ।