१७ कात्तिक, काठमाडौं । भारतीय राष्ट्रपति प्रणव मुखर्जीको स्वागतमा बन्द गरिएको त्रिभुवन अन्तर्राष्ट्रिय विमानस्थल करिब ५० मिनेट पछि खुलेको छ ।
भारतीय राष्ट्रपति मुखर्जी काठमाडौंमा ओर्लिनु अघि नै त्रिभुवन अन्तराष्ट्रिय विमानस्थल बन्द गरिएको थियो । मुखर्जी विमानस्थलबाट बाहिरिएलगत्तै विमानस्थल खुलाइएको हो ।
मुखर्जीको आगमनलाई मध्यनजर गर्दै बन्द गरिएको उडान तथा अवतरण अहिले जारी छ ।
भिभिआइपी र भिआइपीको सुरक्षाका लागि भन्दै सरकारले करिब ५० मिनेटसम्म विमानस्थल पुरै बन्द गराएको थियो । आन्तरिक तथा अन्तराष्ट्रिय सबै विमानका उडान-अवतरण रोकिँदा यात्रुहरु मर्कामा परेका थिए ।
