कर्णाली प्रदेश सरकारले माग्यो करारमा ११ जना इञ्जीनियर

३० कात्तिक, काठमाडौं । कर्णाली प्रदेश सरकारले आर्थिक वर्ष २०७५/७६ को बजेट कार्यक्रम कार्यान्वयनका लागि भन्दै ११ जना सिभिल इञ्जीनियर माग गरेको छ ।

कर्णाली प्रदेश सरकारको आन्तरिक मामिला तथा कानून मन्त्रालयले सूचना जारी गरी करार सेवामा जनशक्ति पूर्ति गर्न दरखास्त आहृवान गरेको हो ।

मन्त्रालयले राजपत्रांकित तृतीय श्रेणीका इञ्जिनियर (सिभिल जनरल) एक जना, राजपत्रांकित तृतीय श्रेणीका इञ्जीनियर (सिभिल बिल्डीङ एण्ड आर्किटेक्ट) एक जना, राजपत्र अंकित प्रथम श्रेणीका सव-इञ्जीनियर (सिभिल जनरल) ६ जना र राजपत्र अंकित द्वितिय श्रेणीका असिष्टेन्ट सव-इञ्जीनियर (सिभिल जनरल) ३ जना माग गरेको छ ।

मन्त्रालयले जारी गरेको सूचना अनुसार १८ वर्ष पुरा गरी ४० वर्ष ननाघेका इच्छुक उम्मेदवारले दरखास्त दिन सक्नेछन् ।

आवेदकले सुर्खेतको विरेन्द्रनगरस्थित प्रदेश सरकारको आन्तरिक मामिला तथा कानून मन्त्रालयमा गएर दरखास्त बुझाउनुपर्नेछ । सेवा सुविधा भने खुलाईएको छैन ।

हेर्नुहोस् सूचनाः