१४ कात्तिक, काठमाडौं । साझा पार्टीले मंसिर १४ गते हुने उपनिर्वाचनमा भक्तपुर–१ (क) बाट सुरज प्रधानलाई प्रदेशसभा सदस्य उम्मेदवार बनाउने भएको छ ।
पार्टीको भक्तपुर जिल्ला संयोजक रहेका २८ वर्षीय प्रधानलाई उम्मेदवार बनाउने निर्णय भएको साझा पार्टीका प्रवक्ता डा. सूर्यराज आचार्यले जानकारी दिए ।
नेकपाबाट निर्वाचित हरिशरण लामिछानेको निधनपछि उपनिर्वाचन हुन लागेको यो क्षेत्रमा २०७४ को चुनावमा विवेकशील साझा पार्टीले ७८३ मत ल्याएको थियो ।
साझा पार्टीले कास्की–२ मा रजनी केसीलाई उम्मेदवार बनाउने घोषणा गरिसकेको छ ।
