१ मंसिर, काठमाडौं । वाणिज्य, आपूर्ति तथा उपभोक्ता हित संरक्षण विभागको महानिर्देशकको जिम्मा सहसचिव नेत्रप्रसाद सुवेदीले पाएका छन् । उनले आइतबारबाट नेतृत्व सम्हालेको विभागले जनाएको छ ।
विभाग आउनुअघि उनी भरतपुर महानगरपालिका प्रमुख प्रशासकीय अधिकृतको रुपमा कार्यरत थिए । उमेरहदका कारण विभागबाट योगेन्द्र गौचनले अवकाश पाए पछि विभाग कात्तिक १४ गते देखि नेतृत्वविहीन थियो ।