१९ मंसिर, काठमाडौं । नेपालले साइक्लिङमा स्वर्ण पदक जितेको छ । काठमाडौं, गोकर्णमा बिहीबार भएको प्रतिस्पर्धामा लक्ष्मी मगरले स्वर्ण जितेकी हुन ।
जारी १३ औं दक्षिण एसियाली खेलकुद (साग)मा साइक्लिङमा नेपालले जितेको तेस्रो स्वर्ण हो । यो सागमा नेपालको स्वर्ण संख्या ३१ पुगेको छ ।
साइक्लिङमै उषा खनालले रजत पदक जितेकी छन् । बुधबार साइक्लिङमै राजेश मगर र निस्मा श्रेष्ठले स्वर्ण पदक जितेका थिए ।
१७ रजतसहित नेपालको अहिलेसम्मको कुल पदक संख्या ७६ पुगेको छ ।