८ असोज, काठमाडौं । सत्याग्रही डाक्टर गोविन्द केसीको समर्थनमा बिहीबार पनि काठमाडौमा प्रदर्शन भएको छ ।
डाक्टर केसीका सबै मागहरु पूरा गर्नुपर्ने र उनको जीवन रक्षा गर्नु पर्ने भन्दै समर्थकहरुले माइतीघर मण्डलामा प्लाष्टिक ओढेर प्रदर्शन गरेका हुन् ।
उनीहरुले दूर दराजमा मेडिकल शिक्षा खै ?, लुटतन्त्र बन्द गर, कर्णालीमा एमबीबीएस पढाइ सुरु गर, हाम्रो स्वास्थ्य हाम्रै हातमा हामी डा. केसीको साथमा जस्ता नारा लेखिएका प्लेकार्डसहित प्रदर्शन गरेका हुन्। प्रदर्शनकै क्रममा उनीहरुलाई प्रहरीले तितरबितर बनाएको थियो ।
यसअघि पनि डाक्टर केसीको समर्थनमा बिभिन्न शैलीमा माइतीघरमा प्रदर्शन भइरहेको छ ।
यो पनि पढ्नुहोस माइतीघरमा ‘१०० डा. केसी’ को अनशन (फोटो फिचर)भदौ २९ गतेदेखि जुम्लामा १९औं अनसन सुरु गरेका केसी ९औं दिनको दिन काठमाडौं आएर त्रिभूवन विश्वविद्यालय शिक्षण अस्पतालमा बसेका छन् ।
तस्वीर : चन्द्रबहादुर आले