२१ साउन, काठमाडौं । सडक विभागका पूर्व महानिर्देशक एवं वरिष्ठ इन्जिनियर रामबाबु शर्माको निधन भएको छ । उनको बुधबार अपराह्न २ बजेतिर ८३ वर्षको उमेरमा निधन भएको पारिवारिक स्रोतले जनाएको छ ।
भारतको कलकत्ताबाट सिभिल इन्जिनियरिङ र अमेरिकामा इन्जिनियरिङ सम्बन्धी थप प्रशिक्षण लिएका शर्माले सरकारी सेवामा सडक विभागको महानिर्देशक समेत बने । शर्माकै सक्रियतामा नेपाल इन्जिनियरिङ काउन्सिलको स्थापना समेत भएको थियो । उनी काउन्सिलको संस्थापक अध्यक्ष पनि हुन् ।
स्कुले जीवनमा सधैं प्रथम हुने विद्यार्थीको उपमा पाएका शर्मा वि.सं. २०१२ सालको एसएलसी परीक्षामा बोर्डफस्ट भएका थिए ।
जीवनको उत्तररार्धमा शर्माले धार्मिक एवं आध्यात्मिक क्षेत्रका आधा दर्जन जति पुस्तकहरू प्रकाशित गरेका छन् । शर्मा सत्य साई बाबा, श्री अरविन्द घोष, स्वामी विवेकानन्द तथा रवीन्द्रनाथ ठाकुर आदिबाट प्रभावित भएर धार्मिक गतिविधिमा बढी सक्रिय भएका थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4