११ पुस, काठमाडौं । कतारको दोहामा जारी एसियन जुनियर टेनिस टिम कपमा नेपाली टोलीले पहिलो जित हात पारेको छ ।
आयोजक राष्ट्र कतारसंगको खेलमा नेपाल २-१ ले विजयी भएको टिम प्रशिक्षक सूर्यभूषण वज्राचार्यले जनाएका छन् ।
जितसंगै नेपालको सेमिफाइनल प्रवेशको सम्भावना कायम रहेको छ । नेपालबाट संरक्षकभूषण वज्राचार्य, रेन्जन लामा, प्रनव खनाल र सम्यकभूषण वज्राचार्यले प्रतिस्पर्धा गरिरहेका छन् । यसअघि नेपाल भारतसंग ३-० ले चुकेको थियो ।
