१८ माघ, काठमाडौं । अष्ट्रेलियन ओपन टेनिसको उपाधि शीर्ष वरियताका नोभाक जोकोभिचले जितेका छन् ।
जोकोभिचले पाँचौं पटक अष्ट्रेलियन ओपन जितेका हुन् । उनले बेलायती एण्डी मुर्रेलाई ७-६, ६-७, ६-३ र ६-० को सेटमा पराजित गरे ।
जोकोभिच र मुर्रेको फाइनल भिडन्त तीन घन्टा ३९ मिनेटसम्म चलेको थियो । अष्ट्रेलियन ओपनको फाइनलमा मुर्रेमाथि जोकोचिचको यो तेस्रो जित हो ।
वर्षको पहिलो ग्राण्डस्लाम जितेसँगै जोकोभिचको नाममा आठ ग्राण्डस्लाम भएको छ ।
