इन्टरनेशनल क्रिकेट काउन्सिल (आइसीसी)ले अष्ट्रेलिया मेलबर्न क्रिकेट मैदानमा हुने विश्वकप क्रिकेटको फाइनल खेलको लागि म्याच अफिसियलहरु चयन गरेको छ ।
दुई सह-आयोजक राष्ट्रहरु न्यूजिल्याण्ड र अष्ट्रेलियाबीच आइतबार उपाधि भिडन्त हुनेछ ।
श्रीलंकाका रंजन मदुग फाइनलको म्याच रेफ्री तोकिएका छन् । श्रीलंकाकै कुमार धर्मसेना र इंग्ल्याण्डका रिचार्ड केटरबरो अन-फिल्ड अम्पायर रहनेछन् ।
थर्ड अम्पायर दक्षिण अफ्रिकाका मराईस एरास्मस छन भने इंग्ल्याण्डका इयान गोल्ड रिजर्भ अम्पायर तोकिएका छन् ।
जारी विश्वकपको दोस्रो सेमिफाइनल खेलमा रंजन, मराईस, कुमार, रिचार्ड म्याच अफिसियल थिए ।
रंजन मदुगल यसअघि सन् २००३ को विश्वकप क्रिकेटको फाइनलमा म्याच रेफ्रीको भुमिका निभाएका थिए । अन्य म्याच अफिसियलहरुको लागि मेलबर्नको फाइनल पहिलो फाइनल हुनेछ ।