विवाहपछि गृहस्थी जीवन बिताउँदै आएकी नायिका रेजिना उप्रेतिले ढाड सड्केको कारण सम्झौता गरेर पनि एक नयाँ चलचित्रमा काम गर्न पाइनन् । ‘अघिल्लो दिन एग्रीमेन्ट गरेको थिएा, भोलीपल्ट ढाड सड्किएपछि काम नै गर्न पाइन ।’ अनलाइनखबरसँग कुरा गर्दै रेजिनाले भनिन् ।
ढाडको उपचार गर्न मात्रै उनलाई ६ हप्ता लागेको थियो । १५ दिन अस्पतालमा थेरापी गराएकी रेजिनाले १ महिना बेडेरेष्ट गर्नुपर्यो । ‘दुई तिन दिन भो हिड्न थालेको, डेढ महिना बिरामी जस्तै भएँ ।’ उनले भनिन् ।
हरि उदासीको चलचित्र छाडेपनि अन्य केहि चलचित्रवाट प्रस्ताब आइरहेको उनले बताइन् । कलाकार संघको उपाध्यक्ष समेत रहेकी रेजिना अब केहि दिन कलाकार संघको अवार्ड कार्यक्रममा केन्द्रित हुने योजनामा छिन् । ‘अवार्ड सकिएपछि मात्रै अरु काम गर्छु ।’ उनले भनिन् ।
पुनः अभिनयलाई निरन्तरता दिने सोचमा रहेकी रेजिना विषयबस्तुप्रति भने चुजी भएको उनी बताउँछिन् ।
तस्विरः श्रीधर पाैडेल