९ कात्तिक, काठमाडौं । नेपाली कांग्रेसका सांसद एवं स्वास्थ्यमन्त्री गगन थापाले लोकमान सिंह कार्कीलाई अख्तियार प्रमुख नियुक्त गर्दा दलका शीर्ष नेताहरुले गम्भीर गल्ती गरेको बताएका छन् ।
कार्कीविरुद्धको महाअभियोग प्रस्तावमाथि संसदमा भएको छलफलमा भाग लिँदै थापाले आफ्नो पार्टीमा कुनै हालतमा यस्तो गल्ती गर्नु हुन्न भन्दा भन्दै नियुक्ति भएको स्मरण गरे । त्यसबेला आफूसहितका नेताहरुले तत्कालीन सभापति र राष्ट्रपतिले हामी हार्यौं भनेको भन्दै उनले संसदमा प्रश्न गरे, ‘हामी हारेेको कोसँग हो ?’
यो लोकमान सिंह कार्कीसँग जोडिएको विषय मात्र नभई स्वाभामानसँग जोडिएको उनले बताए । उनले अघि भने, ‘जबसम्म हामीले कोसँग हारेको छाति पिटेर भन्न सक्दैन, तबसम्म जति संविधान बनाएपनि केही हुँदैन । त्यसकै वरिपरि घुम्छ ।’
गगन थापाको सम्बोधनको पूर्णपाठ पढ्नुहोस्
‘हुबर’ जस्ता लोकमानसँग हामी किन डरायौं ? कोसँग हार्यौं ?
हेर्नुहोस् भिडियो
