२३ भदौ, काठमाडौं । सानिमा बैंक लिमिटेडले गत आर्थिक वर्षको मुनाफाबाट सेयरधनीलाई १० प्रतिशत बोनस सेयर दिने भएको छ ।
बैंक सञ्चालक समितिको बैठकले गरेको उक्त निर्णय नेपाल राष्ट्र बैंकबाट स्वीकृत गराई आगामी साधारणसभाबाट अनुमोदन गर्नुपर्छ ।
बैंकको सेयर मूल्य २५० रुपैयाँको हाराहारी रहेको छ । यस आधारमा सेयरधनीले वास्तविक लाभ प्रतिकित्ता बराबर २२ रुपैयाँ लाभ पाउने छन् । बैंकको चुक्ता पुँजी दुई अर्ब पुगिसकेको छ ।
गैरआवासीय नेपालीहरुको लगानी रहेको सानिमा बैंकले आर्थिक वर्ष २०६९र०७० मा प्रतिसेयर १५ रुपैयाँ आम्दानी हुने गरी ३० करोड ४९ लाख रुपैयाँ मुनाफा आर्जन गरेको छ । अघिल्लो अर्थिक वर्षमा आर्जन गरेको मुनाफा १२ करोड १७ लाख रुपैयाँको तुलनामा यो डेढ गुणाले बढी हो ।
बैंकले गत असारसम्म १७ अर्ब ७८ करोड रुपैयाँ निक्षेप संकलन गरेको छ । जुन अघिल्लो वर्षको तुलनामा ५९ प्रतिशतले बढी हो । त्यस्तै, कर्जा प्रवाह ५८ प्रतिशतले बढेर १५ अर्ब ९ करोड रुपैयाँ पुगेको छ । बैंकको प्रतिसयर नेटवर्थ १ सय २० रुपैयाँ ७५ पैसा पुगेको छ ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4