२४ भदौ, काठमाडौं । नेपाल स्टक एक्सचेञ्जमा सोमबार कारोबार सूचकमा न्यून वृद्धि भएको छ । आज नेप्से परिसूचक ०.३३ बिन्दुले बढेर ५५२.३४ अंक कायम भएको छ ।
१०४ कम्पनीको २ हजार ३ सय ५० पटक कारोबार भएको थियो । ६ लाख ३७ हजार कित्ता सेयर खरिदबिक्री भई १८ करोड ६८ लाख रुपैयाँ कारोबार भएको छ । एभरेष्ट बैंकको सेयर मूल्य आज पनि घटेको छ ।
एभरेष्ट बैंकले अपेक्षाविपरीत न्यून बोनस सेयर प्रस्ताव गरेपछि सेयर मूल्य घटेको हो । आज १३ रुपैयाँ घटेर एभरेष्टको सेयर मूल्य १६७९ रुपैयाँ कायम रहेको छ ।
