चीनको क्विन्तांग नदीमा आएको विश्वकै सबैभन्दा ठूलो ज्वारीय तरंग (टाइडल बोर) ले नदी किनारामा रहेका सयौँ मानिसलाई एकाएक सोहोर्यो ।
अविश्वसनीय रुपमा यस्ता छाल आएपछि धेरै मानिस अताल्लिए । पूर्वी चाइना समुद्रबाट आएको ज्वारले क्विन्ताङ नदीमा त्यस्तो ठूलो तरंग सिर्जना गरेको हो ।
नदीको मुख सानो भएका कारण ज्वारमार्फत आएको पानी प्रवाह हुन नपाउँदा ठूलो छाल पैदा भयो र ११.५ फिट अग्लो छालले धेरैलाई आतंकित बनायो ।
तिब्र गतिमा माथि चढिरहेको छाल जब नदीको तरंगमा जोडसँग मिल्दछ तब यस्तो टाइडल बोर उत्पन्न हुन्छ ।
समुद्रसँग जोडिएका धेरै नदीहरुमा यस्तो प्रलयपूर्ण तरंग उत्पन्न हुने गर्छ । गएको वर्ष अगष्टमा सामुदि्रक आँधीसँगै आएको यस्तै तरंगले चीनमा ३० जना घाइते भएका थिए ।
