१९ असोज, काठमाडौं । यो बर्षको दसैं लगभग सकिन लागेको छ । राजनीतिक दलका नेता, कलाकारदेखि सर्वसाधारणसम्मले उल्लासका साथ दसैं मनाए ।
नायक राजेश हमालले आफ्नी आमाको श्राद्धको तिथि परेका कारण बिजया दसमीका दिन टीका नलगाए पनि आइतबार दिदीको हातबाट टीका ग्रहण गरे । सपत्नी दिदी रीता सिंहकहाँ पुगेका हमालले भान्जीहरुलाई पनि टीका लगाइदिए ।
दसैंका बेला फिल्म रिलिज गरेर ब्यस्त भएकी नायिका रेखा थापाले अर्की नायिका करिश्मा मानन्धरको घरमा पुगेर टीका थापिन् ।
नायिकाहरु प्रियंका कार्की, नम्रता सापकोटा लगायतले पनि उल्लासका साथ दसैैं मनाएका तस्वीर आफ्नो फेसबुकमा अपलोड गरेका छन् ।
हामीले केही सेलिबि्रटीको दसैं तस्वीर उनीहरुकै फेसबुकबाट साभार गरी यहाँ प्रस्तुत गरेका छौं ।
