२६ असोज, काठमाडौं । मदिरा सेवन गरी अभद्र व्यवहार भन्दै नेपाल क्रिकेट संघ (क्यान)ले नेपाली महिला क्रिकेटर नेरी थापा र सोनु खड्कालाई ६ महिना प्रतिवन्ध लगाएको छ ।
महिला सिनयर टोलीका पूर्व कप्तान समेत रहेकी नेरी सफल क्रिकेटर मध्ये एक हुन् । नेपालका लागि पहिलो शतकको कीर्तिमान उनकै नाममा छ ।
अनुशासन विपरितको काम गरेको भन्दै क्यानको शनिबार बसेको बोर्ड बैठकले नेरी र सोनुलाई ६ महिना प्रतिवन्ध लगाउने निर्णय गरेको हो ।
स्रोतका अनुसार १७ औं एसियाडका लागि दक्षिण कोरिया जानुअघि नेरी र सोनुले होटलमा अभद्र व्यवहार गरेका थिए ।
उनीहरुले सुन्धारास्थित होटल तोडफोड गर्नुका साथै अभद्र व्यवहार गरेका आरोप छ ।’इन्चोन जानु पर्ने भएकाले त्यसबेला कारबाही गरिएन । अहिले टिम प्रशिक्षक र म्यानेजरको रिपोर्ट तथा स्पष्टिकरणका आधारमा कारबाही भएको हो’ क्यानका एक अधिकारीले भने ।
त्यसअघि बन्द प्रशिक्षणका क्रममा नेरी र सोनुले मदिरा सेवन गरेका थिए । तर, उनीहरुले माफी माग्दै क्यानलाई पत्र लेखेपछि सफाइ पाएका थिए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "House on sale")
प्रतिक्रिया 4