Comments Add Comment

राजधानीमा सुरु भयो क्यान इन्फोटेक, उद्घाटनकै दिन भिडभाड

Caan Info Tech (1)

१४ माघ, काठमाडौं । सूचना प्रविधि क्षेत्रको सबैभन्दा ठूलो मेला ‘क्यान इन्फोटेक’ बुधबारदेखि सुरु भएको छ । राजधानीको भृकुटीमण्डमा आयोजित मेलाको उपप्रधानमन्त्री प्रकाशमान सिंहले उद्घाटन गरे ।

मेलामा स्टलहरुको डेकुरेसन पूर्ण रुपमा नसकिएको भएपनि सूचना प्रविधिका पारखीहरुको बाक्लो भिड लागेको छ । उद्घाटनकै दिन मेलास्थलमा स्कुले विद्यार्थीदेखि कर्पोरेट हाउसका कर्मचारीसम्म देखिएका छन् ।

नेपालको सूचना प्रविधि क्षेत्रमा ‘ब्रान्डिङ’ बनिसकेको ‘क्यान इन्फोटेक’ सर्वाधिक चासो राखिने मेला हो । विश्व बजारमा विकसित सूचना प्रविधिका पछिल्ला प्रविधिहरु एकै ठाउँमा अवलोकन गर्न पाइने हुँदा पनि अन्य मेलाहरुको तुलनामा यो मेला विशेष हुने गरेको छ ।

मेला उद्घाटन गर्दै उपप्रधानमन्त्री सिंहले सूचना प्रविधि मानव जीवनको अभिन्न अंग भइसकेको बताए । प्रविधिकै कारण सिंगो विश्व एक भइसकेको उल्लेख गर्दै उनले यस क्षेत्रको थप विकासका लागि अगाडि बढ्न व्यवसायी तथा सरोकारवाला पक्षलाई आग्रह गरे ।

Caan Info Tech (3)

विज्ञान, प्रविधि तथा वातावरण मन्त्रालयका सचिव डा. कृष्णचन्द्र पौडेलले सूचना प्रविधिको विकासमा व्यवसायीले खेलेको भूमिकाको प्रशंसा गरे । उनले बनेपास्थित आइटी पार्क सार्वजनिक नीजि साझेदारीमा सञ्चालन गर्न प्रकृया अगाडि बढाइसकेको जानकारी दिए । उक्त आइटी पार्क सञ्चालनमा ल्याउन सकेमा सूचना प्रविधिको क्षेत्रमा नयाँ आयाम थपिने उनको भनाई थियो ।

‘सुबिसु क्यान इन्फोटेक २०१५ ईन एशोसिएशन विथ डेलरइन्टेल बाई नियोटेरिक नेपाल’ नाम दिइएको मेलामा माघ १९ गतेसम्म सञ्चालन हुनेछ । मेलामा सहभागी कम्पनीहरुले ग्राहकहरुलाई लक्षित गर्दै नयाँ प्रोडक्टहरु सार्वजनिक गर्नुका साथै विशेष अफरहरु समेत उपलब्ध गराएका छन् ।

नयाँ प्रोडक्ट विशेष अफरसहित खरिद गर्न पाइने हुँदा पनि क्यान इन्फोटकप्रति सर्वसाधारणको चासो देखिएको हो । मेला अवलोकनका लागि मात्र नभई आफुलाई आवश्यक वस्तु खरिद वा बुकिङ गर्नका लागि उपर्यूक्त अवसर हो ।
मेलामा मुख्य प्रदर्शनी हलभित्र ४९ वटा र हल बाहिर ३ वटा ब्रान्डिङ प्रदर्शनी कक्षहरु रहेका छन् । त्यस्तै, ट्रसमा १४४, ओपन स्पेसहरु १४ र फुड स्टलहरु ९ गरी जम्मा २१९ स्टलहरु रहेको मेला अयोजक कम्प्यूटर एशोसियसन अफ नेपाल (क्यान) ले बताएको छ ।

मेलामा हार्डवेयर सेल्स तथा मेन्टीनेन्स्, पावर सोलुसन्स्, मोवाइल एसेसोरिज, डिलर र डिस्ट्रिव्युटर्स, इन्टरनेट सेवा प्रदायक, टेलिकम्युनिकेशनस्, आईसीटी कलेज तथा ट्रेनिङ इन्स्टिच्युटस्, सफ्टवेयर सोलुसनस्, पेमेन्ट सोलुसन्स र अन्य स्टलहरु रहेका छन् ।

Caan Info Tech (5)

यस पटकको मेलामा साढे ४ लाख अवलोकनकर्ता भित्राउने लक्ष्य राखिएको छ । अघिल्लो मेलामा ४ लाख ३१ हजार ३ सय ५० अवलोकनकर्ता मेलामा आएका थिए ।

मेलामा साधारणहरुलाई प्रवेश शुल्क १५० रुपैयाँ र विद्यार्थीहरुलाई ७५ रुपैयाँ तोकिएको छ । माघ १८ गते आइतबारको दिनलाई विजनेश डे को रुपमा घोषणा गरिएको छ । उक्त दिनको प्रवेश शुल्क सम्पूर्ण अवलोकन कर्ताहरुको लागि १५० रुपैयाँ तोकेको आयोजकले जनाएको छ ।

सरकारी विद्यालयहरुबाट अग्रिम रुपमा लिखित अनुरोधसहितको नामावलीका आधारमा सम्बन्धित विद्यालयका विद्यार्थीहरुलाई निःशुल्क प्रवेशको व्यवस्था गरिएको छ ।

मेलामा अनलाइन टिकट खरीदको अग्रीम रुपमा व्यवस्था मिलाएको बताउँदै आयोजकले अनलाइन टिकट खरीदमा २० प्रतिशत छुट समेत प्रदान गर्ने जनाएको छ ।

Caan Info Tech (2) Caan Info Tech (4) Caan Info Tech (6) Caan Info Tech (7) Caan Info Tech (8) Caan Info Tech (9)

यो खबर पढेर तपाईलाई कस्तो महसुस भयो ?

ट्रेन्डिङ

Advertisment