७ पुस, काठमाडौं । बिहीबार स्थानिय बजारमा सुनको भाउ तोलामा ४ सय रुपैयाँ घटेको छ । बुधबार सुन एकैदिन तोलामा ८ सय रुपैयाँ बढेर किनबेच भएको थियो ।
नेपाल सुनचाँदी व्यवसायी महासंघले बिहीबारका लागि छापावाल सुनको भाउ तोलाको ५४ हजार रुपैयाँ तोकेको छ । बुधबार छापावाल सुन तोलाको ५४ हजार ४ सय रुपैयाँमा किनबेच भएको थियो ।
तेजाबी सुनको भाउ पनि बिहीबार तोलामा ४ सय रुपैयाँ घटेर ५३ हजार ७ सय ५० रुपैयाँमा किनबेच भइरहेको छ ।
बिहीबार चाँदीको भाउमा कुनै फेरबदल भएको छैन् । बुधबार तोलामा २१ रुपैयाँ बढेर ७ सय ५५ रुपैयाँमा किनबेच भएको चाँदी बिहीबार पनि सोही भाउमा किनबेच भइरहेको छ ।
