८ वैशाख, काठमाडौं । सर्वोच्च अदालतले महामारी फैलिएको जाजरकोटमा २४ घन्टाभित्र उच्चस्तरीय चिकित्सक टोली पठाउन सरकारलाई आदेश दिएको छ ।
न्यायाधीश गोविन्दकुमार उपाध्यायको इजलासले औषधीसहितका उचित स्रोत साधनसहित उच्चस्तरीय चिकित्सक टोली पठाउन अन्तरिम आदेश दिएको छ ।
साथै मृतकको परिवारलाई दाहसंस्कार र उचित क्षतिपूर्ति दिन आदेश दिएको छ । ‘१०/१० दिनमा प्रगति विवरण बुझाउन पनि भनिएको छ’ सर्वोच्चका सहप्रवक्ता बाबुराम दाहालले अनलाइनखबरसँग भने ।
अनुगमन गरेर प्रतिवेदन दिन भनिएको छ । फ्लूको महामारी फैलिएको जाजरकोटमा मङ्गलबार थप ३ जनाको मृत्यु भएको छ ।
