२२ बर्षपछि सरोज र मिथिला एकसाथ(फोटो फिचरसहित)

चलचित्र ‘दिदी’मा दिदीको भुमिकामा थिईन् मिथिला शर्मा र भाईको भुमिकामा थिए सरोज खनाल ।

चलचित्रमा दिदीभाई विच लामो समयसम्म भेट हुन नसकेको प्रसंग पनि थियो । उक्त दृष्यको सुटिङ गर्दै गर्दा मिथिलाले कहिल्यै सोचेकी थिईनन् सिनेमामा भाई बनेका सरोजसँग भेट हुन दुई दशक कुर्नु पर्ला । तर, भयो त्यस्तै ।

क्यान्सरसँग सम्बन्धित गीतको सुटिङमा दिदी भाई बनेर प्रस्तुत भएका सरोज र मिथीला दुबैले हिसाब गरे- रिल लाईफमा दिदी भाई बनेको कति भयो भन्दै । ‘ठ्याक्कै २२ वर्ष पूरा भएछ मिथिला शर्माले अनलाइनखबरसँग भनिन् । सरोज खनाललाई रियलमा पनि भाईजस्तै मान्ने मिथिलाले लामो समयपछि सँगै काम गर्न पाउँदा माईतीवाट न्यास्रीएकी चेलीले माईतीलाई भेटेजस्तै भएको बताईन् । त्यसो त सरोजले पनि दिदी नै भेटेको अनुभव गरे ।

सराेज अाेलीकाे निर्देशनमा तयार भएकाे भिडियाेमा स्मिता दाहाल र राजेशपायल राइकाे स्वर छ ।

सरोज अमेरिका गएपछि मिथिला र सरोजले एउटै फ्रेममा काम गर्न पाएका थिएनन् । तर, सरोज नेपाल आएको बेला मिथिलासँग सम्पर्क चाँही गर्थे । ‘सामान्य भेटघाट भए पनि यसरी काम गर्न पाएका थिएनौं ।’ उनले भनिन् ।

‘म मर्न हैन, गर्न आएको’ भन्ने सरोज खनाललाई नेपाल आएको साता नबित्दै विभिन्न म्युजिक भिडियो, विज्ञापन र फिल्मवाट प्रस्ताव आउन सुरु गरेको छ ।