आलिया र साहिदमा के छ त्यस्तो आकर्षण ?

मुम्बई । साहिद कपुर र आलिया भट्टले मुख्य भूमिका निर्वाह गरेको चलचित्र ‘सान्दार’ को प्रोमो युटुबमा रिलिज भएको एक हप्लामा ५० लाखले हेरेका छन् ।

पछिल्लो समयकी किसिङ गर्ल भनेर चिनिएकी आलिया प्रोमो यति धेरैले हेरेकोमा निकै उत्साहित छिन् । उनले खुसी हुँदै ट्वीट समेत गरेकी छिन् । ‘केही सान्दार काम भईरहेको छ ।’ उनले लेखेकी छिन् ।

यस फिल्ममा साहिदका बुबा पंकज कपुर, सञ्जय कपुर, सना कपुर, सुषमा सेठ लगायतका कलाकारले मुख्य भूमिका निर्वाह गरेका छन् ।

२२ अक्टुबरमा रिलिज हुने फिल्मका निर्माता करण जौहर, अनुराग कश्यप र विक्रमादित्य मोटवानी रहेका छन् ।

अर्का निर्देशक मधुर भण्डारकरले नयाँ फिल्म ‘क्यालेण्डर गर्ल’ मा पाँच सुन्दरीलाई नङ्ग्याएका छन् । उक्त फिल्मको पनि युट्युवाट प्रोमो सार्वजनिक भएको छ ।

निर्देशक भण्डारकरले ग्ल्यामरस उद्योगभित्रका समस्या केन्द्रित गरेर फिल्म बनाएका छन् । रंगीन संसारमा रमाउने सुन्दरीका दुःखद प्रसंगलाई फिल्ममा समेटेका छन् उनले ।