२०७२ असोज १८ गते ६:५० 
१८ असोज, काठमाडौं । लिभरपुलले प्रशिक्षक ब्रेन्डल रोजर्सलाई बर्खास्त गरेको छ ।
बोरुसिया डर्टमुडन्डका पूर्व प्रशिक्षक जर्गेन क्लोप नयाँ प्रशिक्षक बन्ने लगभग पक्का भएको बेलायती सञ्चार माध्यमहरुले जनाएका छन् ।
शनिबार राति रोजर्सको टोलीले इभर्टनसँग १–१ को बराबरी खेलेको थियो, यो सँगै लिभरपुल प्रिमियर लिगको १० औं स्थानमा छ ।
तर, खेल अघि नै उनलाई बर्खास्त गर्ने निर्णय भइसकेको थियो । लिभुरपुलले नयाँ प्रशिक्षकको खोजी भइरहेकोब बताएको छ ।
चेल्सी तथा रियल मड्रिडका पूर्व प्रशिक्षक कार्लो एन्सेलोटी पनि लिभरपुलसँग जोडिने प्रयासमा छन् ।
लिभरपुलले यो सिजन खेलेका ११ मध्ये चार खेल मात्र जितेको छ । रोजर्सले २०१२ जुनमा क्लब सम्हालेका थिए । उनको प्रशिक्षणमा २०१३/१४ को सिजन लिभरपुल दोस्रो स्थानमा रह्यो ।
प्रतिक्रिया 4