७ कात्तिक, विराटनगर। मोरङमा गएराति बेग्लाबेग्लै स्थानमा आगलागी भएर १७ चौपाया र नगदसहित लाखौँ मूल्य बराबरका सम्पत्ति जलेर नष्ट भएका छन् ।
अमाहीवरियाती गाविसमा र विराटनगर–१५ स्थित एक कापी उद्योगमा आगलागी हुँदा ३६ लाख ५० हजार रुपैयाँ बराबरको क्षति भएको पूर्व क्षेत्रीय प्रहरी कार्यालय विराटनगरले जनाएको छ ।
अमाहीवरियातीमा गङ्गाप्रसाद मण्डलको घरमा गएराति ११ बजे बालिएका टुकीबाट आगो फैलिएर मण्डल र छिमेकी घरसमेत गरी पाँचवटा घर जलेर नष्ट भएका छन् ।
मण्डलले आफ्नो घरमा राखेका नगद दुई लाखका साथै १७ वटा चौयाया जलेर नष्ट भएको छ । आगो नियन्त्रणका क्रममा मण्डल घाइतेसमेत भएका छन् ।
त्यसैगरी, विराटनगर–१५ स्थित चूडामणि दत्तको घर भाडा लिई लक्ष्मीनारायण साहले सञ्चालन गरेका कापी उद्योगमा विद्युत् चुहिएर आगलागी हुँदा २५ लाख रूपैयाँ बराबरको क्षति भएको छ ।
सो आगलागीमा परी कच्चा पदार्थ र मेसिनसमेत जलेर नष्ट भएको छ । रासस
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4