शनिबार, ७ असोज, २०७४
OnlineKhabar.com

दिल्लीलाई प्रश्नः नेपालका विखण्डनकारीलाई किन स्वागत गरेको ?

अनलाइनखबर

Vikas-Swarup

१४ माघ, काठमाडौं । असोज ३ गते नेपालमा नयाँ संविधान घोषणा भएपछि मधेस आन्दोलनलाई मलजल गर्दै नाकाबन्दी गरेको भारतमाथि ‘बिखण्डनकारी’लाई रातो कार्पेट बिछ्याएको आरोप लागेको छ ।

यो आरोप यस्तो बेलामा लागेको छ, जतिबेला भारतकै सिफारिसअनुसार नेपालको संसदले संविधान संसोधन गरेको छ र त्यसप्रति भारतले औपचारिक स्वागत गरिसकेको छ ।

डा. सीके राउत

डा. सीके राउत

तर, मधेसलाई बेग्लै देश बनाउनुपर्ने भन्दै अभियान चलाएका सीके राउतलाई यतिबेला दिल्लीले न्यानो स्वागत गरिरहेको छ । राउत यतिबेला दिल्लीका मिडियाका लागि ‘सेलिब्रेटी’ जस्तै भएका छन्, उनलाई अन्तरवार्ता दिन भ्याइनभ्याई छ ।

भारतीय विदेश मन्त्रालयमा बिहीबार आयोजित नियमित पत्रकार सम्मेलनमा आलोक नाम गरेका भारतीय पत्रकारले प्रवक्ता विकास स्वरुपलाई नेपालमा भएको संविधान संशोधन र एक विखण्डनकारीलाई स्वागत गर्नु विरोधाभास भएन ? भनेर प्रश्न गरेका हुन् ।

स्वरुपले संविधान संशोधनको भारतले स्वागत गरेको बताए । तर, विखण्डनकारीलाई किन स्वागत गरेको भन्ने प्रश्नको जवाफ दिएनन् ।

नेपालको संविधानमा भएको संशोधन मधेसवादी दलहरुको माग सम्बोधन प्रक्रियाको हिस्सा भएको भन्दै भारतीय विदेश मन्त्रालयका प्रवक्ता स्वरुपले भने-मधेसीहरुको अरु माग पनि छन् । हामीलाई विश्वास छ, दुबै पक्षले लतकता देखाएर त्यसलाई पनि सम्बोधन गरिनेछ ।’

भारत नेपाली राजनीतिज्ञहरुसँग सम्पर्कमा रहेको र उनीहरुलाई विश्वास गरेको समेत उनले बताए । भारतले कुनैको पक्ष नलिएको भन्दै उनले भने-‘हाम्रो एक मात्र चाहना शान्त, स्थिर र सम्बृद्धि नेपाल हो ।’

नेपालले आफ्नो समस्या आफैं वार्ता र सम्वादमार्फत समाधान गरोस् भन्ने भारतले चाहेको उनले बताए ।

भिडियो (पत्रकार आलोकले सोधेको प्रश्न १४ औं मिनेटमा छ) 

 

२०७२ माघ १४ गते २३:३० मा प्रकाशित (२०७२ माघ १५ गते १०:३०मा अद्यावधिक गरिएको)

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

२ प्रतिकृयाहरू प्राप्त
  • soltee लेख्नुहुन्छ    |   २०७२ माघ १५ गते १०:२३

    अब हामीहरुले पनि अजहर मसुद, दाउद ईब्राहिम र भारतमा पृथकतावादी आन्दोलन चलाउनेलाई नेपालमा स्वागत गरेउ भने भारतको प्रतिकृया के हुन्छ?
    हेपाईको पनि सिमा नाघेको छ भारतले ।

    0
    0
    Share

  • soltee लेख्नुहुन्छ    |   २०७२ माघ १५ गते १०:३१

    हामी आफै वेवकुफ छौ । गुण्डाको नाईके कुमार घैैटेलाई गोली ठोक्न सक्ने अनि नेपाललाई टुक्राएर बेग्लै देश बनाउछु भन्दै हिडनेलाई केही गर्न नसक्ने नेपाल प्रहरी र सरकारलाई के भन्ने ? भारत त यस्तै मान्छे कै खोजीमा हुन्छ जस्ले नेपाललाई बर्वाद पारोस ।

    0
    0
    Share

यसमा तपाइको मत




फेसबुकबाट तपाईको प्रतिक्रिया

Also you may like this