Comments Add Comment

सर्वाधिक गोलकर्ताको दौडमा स्वरेजले रोनाल्डोलाई उछिने

Luis Suarez 1

१२ वैशाख, काठमाडौं । बार्सिलोनाले स्पेनिस लालिगामा स्पोटिङ गिजोनमाथि ६-० को फराकिलोजित हात पार्दा लुइस स्वरेजले एक्लैले चार गोल गरे ।

यसँगै उनले पिचिचि अवार्डको दाबेदारीमा क्रिष्टियानो रोनाल्डोलाई उछिनेका छन् । पिचिचि अवार्ड ला लिगाको हरेक सिजनको सर्वाधिक गोलकर्तालाई दिइन्छ ।

शनिबार रियल मड्रिडले रायो भालेकानोलाई ३-२ ले हरायो । तर, रोनाल्डोले उक्त खेल मिस गरेका थिए ।

लगतै भएको अर्को खेलमा बार्सिलोनाका स्वरेज चम्किए । उनले दुई पेनाल्टीसहित चार गोल गरे । र, लगातार दुई खेलमा चार गोल गर्ने पहिलो खेलाडी पनि बिनेका छन् ।

ला लिगामा स्वरेजको गोल ३४ पुगेको छ । अब लिगमा तीन खेल खेल्न बाँकी छ र रोनाल्डोले ३१ गोल गरेका छन् र स्वरेज भन्दा तीन गोलले पछाडि परेका छन् ।

पिचिचि अवार्ड अहिलेसम्म रोनाल्डोले चार पटक जितेका छन् भने मेस्सीले तीन पटक जितेका छन् ।

यो अर्वाड सर्वाधिक ६ पटक एथ्लेटिको विल्बाओका लेजेन्ड टेल्मा जाराले जितेका छन् ।

यो खबर पढेर तपाईलाई कस्तो महसुस भयो ?

ट्रेन्डिङ

Advertisment