नायिका झरना थापाले करिब डेढ बर्ष कुनै पनि चलचित्र गरिनन् । यसको पछाडि केही कारणहरु थिए । पहिलो कुरा झरनाले अभिनय गरेका अधिकांश चलचित्र लगालग असफल भएका थिए । व्यापारिक रुपमा चलचित्र कमजोर बनेपछि झरनाले करिब डेढ बर्ष काम गरिनन् । यस्तै, उनी आफै निर्देशक बन्न पनि तम्सिइन् ।
झरनाले चलचित्र ‘ए मेरो हजुर २’ बनाउने भनेको लामै समय भैसकेको छ । तर, उनले नायिका नपाएर अझै चलचित्रको छायांकन सुरु गर्न सकेकी छैनन् । नायक पनि पाइसकेको र कार्यक्रम गरेरै सार्वजनिक गर्ने झरनाको भनाई छ ।
करिब डेढ बर्ष पछि झरना २ चलचित्रको छायांकनमा व्यस्त छिन् । झरना अहिले पुर्वका रमणिय स्थानमा चलचित्र ‘झिल्के र साथी तिमी हौ’को एकसाथ छायांकन गरिरहेकी छिन् ।
उनले चलचित्र निर्देशन सुरु गरेपछि भने सो अवधीमा कुनै चलचित्रमा काम नगर्ने बताइन् । नेपाली चलचित्रकी चर्चित नायिका थापालाई अब फेरि एउटा हिट चलचित्र चाहिएको छ । के ‘झिल्के र साथी तिमी हौ’ले यो कुरा पूरा गर्ला त ? प्रतिक्षा गरौ ।
