शनिबार, ७ असोज, २०७४
OnlineKhabar.com

भैरहवामा ‘डण्डा नदी बचाऔं’ अभियान सुरु

सलमान खान
Danda-Rever-Bhairahawa

प्रदुषित डण्डा नदी

१० असार, भैरहवा । उद्योग कलकारखानाले प्रदुषित भएको डण्डा नदीको संरक्षणका लागि भैरहवाबासीबाट अभियान सुरु भएको छ ।

भैरहवाको बेलहिया क्षेत्रमा रहेको डण्डा नदी बचाउन स्वास्थ्य शिक्षा अध्यापनमा क्रियाशील प्रतिमान निमा स्मृति प्रतिष्ठानले अभियान सञ्चालन गरेको छ ।

नेपालमा पैदलमार्ग हुँदै बेलहिया नाकाबाट आउने पर्यटकहरु प्रदुषित डण्डा नदीका कारण मुख छोपेर नेपाल भित्रन बाध्य छन् । अहिले उक्त नदी स्थानीयको फोहोर फाल्ने स्थान बनेको छ । नदीको सौन्दर्यता फोहोर र झाडीले ढाकिएको छ ।

‘डण्डा नदी बचाऔं’ अभियान अन्तर्गत शुक्रबार भैरहवामा आयोजित एक कार्यक्रममा अभियानका लागि सुदिप चन्द बोहरा र सुजताको बोहराले व्यक्तिगत ५० हजार रुपैयाँ आर्थिक सहयोग गरेका छन् । उक्त रकम कार्यक्रमकी प्रमुख अतिथि सुजता बोहराले प्रतिष्ठानका प्रवन्ध निर्देशक धर्म केसीलाई हस्तान्तरण गरिन् ।

Danda-Rever

कार्यक्रममा संस्थाका संरक्षक डा. आलोक बोहराले उद्योग कलकारखानाले डण्डा नदीको अस्तित्व संकटमा परेको र भैरहवाको वातावरणमा नकारात्मक असर परेको बताए । उनले नदी संरक्षण अभियानमा सबैको साथ र सहयोग आवश्यक रहेको उल्लेख गरे ।

कार्यक्रममा प्रतिमान निमा स्मृति प्रतिष्ठानका प्रवन्धक निर्देशक धर्म केसीले प्राप्त आर्थिक सहयोगले गरिने खोज अनुसन्धानबाट आउने तथ्यांकलाई आधार मानेर डण्डा नदीलाई स्वच्छ, सफा र पर्यटकीय स्थलको रुपमा विकास गर्न सकिने बताए ।

उनले डण्डा नदी निकै प्रदुषित भएको कारण यस क्षेत्रबाट चराचुरुङ्गीहरु पनि विस्थापित भइरहेकोमा चिन्ता व्यक्त गर्दै डण्डा बचाऔँ अभियानमा सबैको सहयोग आवश्यक रहेको बताए ।

२०६५ सालमा सञ्चालनमा आएको प्रतिमान निमा प्रतिष्ठानमा ल्याव टेक्निसियन र ल्याव असिस्टेन्टमा १ सय २० जना विद्यार्थीहरु अध्ययनरत छन् ।

उक्त कार्यक्रम रमिता मगर केसीले सञ्चालन गरेकी थिइन् ।

२०७३ असार १० गते १६:२८ मा प्रकाशित

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

१ प्रतिकृया प्राप्त
  • karm bir sharma लेख्नुहुन्छ    |   २०७३ असार १० गते २२:१०

    राम्रो कामको शुरुआत गर्नु गर्नु भाको छ….यो काममा म र मेरा साथी हरु को समर्थन छ ……

    0
    0
    Share

यसमा तपाइको मत




फेसबुकबाट तपाईको प्रतिक्रिया

Also you may like this