३ मंसिर, काठमाडौं । झापाको दमक, लखनपुर, तोपगाछी र धरमपुरलाई मिलाएर दमक उपमहानगरपालिका बनाउन माग गर्दै जिल्लाका राजनीतिक दलहरूले स्थानीय तह पुनर्संरचना आयोगलाई शुक्रबार ज्ञापनपत्र बुझाएका छन् ।
झापाबाट काठमाडौं आएको प्रतिनिधि मण्डलले आयोग अध्यक्ष बालानन्द पौडेललाई ज्ञापनपत्र बुझाएको हो । ज्ञापनपत्रमा जिल्लाको प्राविधिक सहयोग समितिले क्षेत्रीय पूर्वाग्रहका आधारमा स्थानीय जनताको भावना विपरीत दमकलाई टुक्रयाएको आरोप लगाइएको छ ।
स्थानीय तह पुनर्संरचना प्राविधिक सहयोग समिति झापाले स्थानीय जनताको भावना विपरित प्रतिवेदन केन्द्रमा पठाइएका भन्दै झापाका राजनीतिक दलहरुले आन्दोलन गर्दै आएका छन् ।
वुद्धनगरस्थित आयोग कार्यालयमा ज्ञापनपत्र बुझ्दै अध्यक्ष पौडेलले मापदण्ड पूरा भई राजनीतिक तहमा सहमति भएमा दमकलाई उपमहानगरपालिका बनाउन आयोग तयार रहेको बताएको माओवादी केन्द्रका प्रतिनिधि सुरेन्द्र बस्नेतले जानकारी दिए ।
ज्ञापनपत्र बुझाउने प्रतिनिधि मण्डलमा नेपाली कांग्रेसका महिन्द्रा सुब्बा र सुरेश सुब्बा, नेकपा एमालेका देवेन्द्र दाहाल र वेनु शिवाकोटी, माओवादी केन्द्रका गगन पुरी र सुरेन्द्र बस्नेतलगायत छन् ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.png)
.png)
प्रतिक्रिया 4