अमेरिका । अमेरिकाको क्यालिफोर्निया राज्यस्थित लसएन्जल्समा स्थापना भएको नेपाल अमेरिका एकता समाजको वार्षिक साधारणसभा आगामी डिसेम्बर ४ तारिख आइतबार आर्टेसिया सहरमा हुने भएको छ ।
साधारण सभा साँझ सात बजे देखि तारा हिमालयन कुजिन आर्टेसियामा हुने तय भएको जानकारी संस्थाको महासचिव डोल्मा लामाले दिइन् ।
सभामा भविष्यमा हुनगईरहेको एनआरएन अमेरिकाको निर्वाचनको सम्बन्धमा समेत छलफल गर्ने कार्यक्रम रहेको एनआरएन अमेरिका क्यालिफोर्निया च्याप्टरका उपाध्यक्ष रामबाबु पाण्डेले जानकारी दिए ।
वार्षिक साधारण सभाले यस क्षेत्रमा बसोबास गर्ने नेपालीलाई एककृत गर्न योजना समेत बनाउने छ ।
संस्थाले प्रवासमा रहेका नेपाली समुदायको हक, हित र अधिकारको संरक्षण र प्रबर्धन तथा नेपाली चाड पर्वका बेला सबै नेपालीहरुलाई एकै थलोमा भेला गरी नेपाली पनको महसुस गराउदै आई रहेको छ ।
साधारण सभामा गत एक वर्षको कार्यक्रम तथा सांगठनिक प्रतिवेदन, आर्थिक प्रतिवेदन, विधान संशोधन, संस्थाको वार्षिक कार्ययोजना लगायतका विषयमा छलफल हुने छ ।
प्रतिक्रिया 4