+
+

रामपुर क्याम्पसमा फेरि झडप, ३ जना विद्यार्थी घाइते

टिसर्टको डिजाइनका विषयमा विवाद

सुवास पण्डित सुवास पण्डित
२०७४ वैशाख १२ गते १४:२४

१२ बैशाख, चितवन । चितवनको कृषि तथा वनविज्ञान विश्वबिद्यालय अन्तर्गत रामपुर कृषि क्याम्पसमा माओवादी केन्द्र निकट अखिल क्रान्तिकारी र एमाले निकट अनेरास्ववियुबीच झडप हुँदा ३ जना विद्यार्थी घाइते भएका छन् ।

झडपमा बिएससीएजी पढ्ने अनेरास्ववियुका विद्यार्थीहरू चुडामणि पन्त, बिशाल मोदी र गोपाल थापा घाइते भएका हुन् ।

चुडामणि पन्तको दुबै खुट्टाको नलीहाडमा रडले हानिएको छ भने, मोदीको टाउकोमा चोट लागेको छ । उनीहरूको भरतपुरस्थित चितवन मेडिकल कलेजमा उपचार भैरहेको छ ।

लाइब्रेरी, होस्टल र खाना खाँदै गर्दा बिभिन्न ठाउँमा विद्यार्थीहरूका वीचमा झडप भएको थियो ।

घटनाका बारेमा आफूलाई पूर्ण जानकारी नभएको विश्वविद्यालयका रजिष्ट्रार मनराज कोलाक्षपतिले बताए ।

गत बैशाख ८ गते पनि दुई संगठनका वीचमा झडप भएको थियो । झडपमा क्रान्तिकारीका तीन र अनेरास्ववियुका तीनजना घाइते भएका थिए ।

नयाँ विद्यार्थीले कलेज प्रवेश गर्दा लगाउने टिसर्टको डिजाइनका विषयमा विवाद हुँदा दुई पक्षबीच झडप भएको थियो ।

झडप पछि क्रान्तिकारीले डीनको कार्यालयमा लगाएको ताला आपसी वार्ता र छलफल पछि अब झगडा नगर्ने सहमतिमा हिजो सोमबार खुलेपनि मंगलबार फेरि झडप भएको हो । घटनास्थलमा प्रहरी परिचालन गरिएको छ ।

लेखकको बारेमा
सुवास पण्डित

पण्डित अनलाइनखबर डटकमका चितवन संवाददाता हुन् ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?