+
+

म्यादी प्रहरीलाई प्रदेश प्रहरीमा बदलौं– गोपाल किराती

प्रधानमन्त्री प्रचण्डले भने– सल्लाह गरौंला

अनलाइनखबर अनलाइनखबर
२०७४ जेठ २० गते ११:५५

२० जेठ, काठमाडौं । विगतमा ८ सय जिल्लाको अवधारणा ल्याएर चर्चा कमाएका माओवादी नेता गोपाल किरातीले अहिले चुनावमा परिचालन गरिएका म्यादी प्रहरीहरुलाई प्रदेश प्रहरीमा बदल्नुपर्ने सरकारसँग माग गरेका छन् ।

किरातीले प्रधान प्रचण्डलाई भेटेर म्यादी प्रहरीहरुलाई प्रदेश प्रहरीमा रुपान्तरण गर्न माग गरेका हुन् । सरकारले चुनावमा खटाएका म्यादीहरुलाई तालिमसमेत दिएको हुनाले उनीहरुलाई प्रदेश प्रहरी बनाउन किरातीले सुझाएका हुन् ।

म्यादी प्रहरीमा भर्ना भएका युवाहरुलाई सरकारले प्रदेश प्रहरीमा भनाए नगर्ने हो भने उनीहरु विदेशतिर लाग्न सक्ने भन्दै किरातीले प्रधानमन्त्रीको ध्यानाकर्षण गराएका हुन् ।

‘मैले प्रधानमन्त्रीलाई भेटेर यो प्रस्ताव राखेको छु,’ किरातीले अनलाइनखबरसँग भने– ‘प्रधानमन्त्रीले यसबारे सल्लाह गरौंला भन्नुभएको छ ।’

गत चैतको दोस्रो साता गृहमन्त्रालयले करिब ७५ हजार म्यादी प्रहरीको भर्नाका लागि आह्वान गरेको थियो । १८ देखि ५४ वर्ष उमेर पुगेका म्यादी प्रहरीको कार्यकाल ५५ दिनमात्रै तोकिएको छ ।

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?