शनिबार, ७ असोज, २०७४
OnlineKhabar.com

पत्याउनुस्, यो गोंगबुको नयाँबसपार्क नै हो ! (फोटोफिचर)

श्रीधर पौडेल/रबिन्द्र घिमिरे

२४ भदौ, काठमाडौं । हामी ‘नयाँबसपार्क’ भन्ने शब्द सुन्ने बित्तिकै अस्तब्यस्त, फोहोर, झाडीले घेरिएको र टहरै-टहराले भरिएको प्रदुषित स्थानको परिकल्पना गरिहाल्छौं । तर, अहिले अवस्था बदलिएको छ ।

प्रयास गरियो भने बदल्न सकिन्छ भन्ने उदहारण बनेको छ, नयाँबसपार्क । पछिल्ला काठमाडौंको  गोंगबुस्थित नयाँ बसपार्क केही सुधारिँदै गएको देखिएको छ ।

विशेषगरी पहिले सरसफाईको मामिला निकै कमजोर रहेको बसपार्क आजभोलि तुलनात्मक रुपमा पहिलेको भन्दा सफा देखिन थालेको छ । बसपर्कामा शैचालय पनि पहिले भन्दा सफा देख्न थालिएको छ । बसपार्कभित्रै नयाँ शौचालय पनि बनाइएको छ ।

अहिले नयाँ बसपार्कभित्र स-सना टहरा छैनन, जहाँ पहिले अस्तब्यस्त र जथाभावी रुपमा ब्यापार गरिन्थ्यो । तुलनात्मक रुपमा बसपार्क सफा पनि देखिन थालेको छ ।

महानगरपालिकाले गोंगबु बसपार्क सञ्चालनको जिम्मा दिएको लोत्से बहुउद्देश्यीय प्रालिले कम्पनीले अहिले नयाँ बसकपार्कको रुप फेर्न काम सुरु गरेको छ । सुस्त गतिमै भएपनि नयाँ बसपर्कामा बगैँचाहरु पनि बनाइएका छन् ।

निर्माण, सञ्चालन र हस्तान्तरण (बूट) प्रणाली अन्तरगत बसपार्कको स्तरीकरण सुरु गरिएको छ । यसलाई काठमाडौंको सुविधासम्पन्न बसपार्कका रुपमा परिणत गर्ने योजना छ ।

लोत्सले यसअघि नै बसपार्क हाताभित्रबाट अतिक्रमण गरेर बनाइएका ५ सय टहरा हटाइसकेको थियो ।

अहिले बसपार्कभित्रै सुविधासम्पन्न सपिङ मलको भवन निर्माण भइरहेको एको लोत्से बहुउदेश्यीयका कार्यकारी अध्यक्ष दीपक कुँवरले अनलाइनखबरलाई बताए । ७ तले यो मल अत्याधुनिक र सुविधासम्पन्न हुनेछ ।


झण्डै २६ करोड रुपैयाँको लागतका बनिरहेको यो मलभित्रै फिल्म हल, डिपार्टमेन्टल स्टोर, बैंक, फूड कोर्ट, पार्टी प्यालेस, रेष्टुरेन्ट, कफी सप लगायत थुप्रै सेवाहरु दिइनेछ ।

झण्डै १ सय ६१ रोपनीमा फैलिएको बसपार्क नियमित सरसफाइ सुरु भएको छ । झण्डै ३० जना सफाइ मजदुर बसपार्कमा खटिएका छन् ।

बसपार्कभित्रका सबै भागलाई फोहोरमुक्त राख्ने गरी काम भइरहेको लोत्सेका एचआर म्यानेजर पंकज मल्लले बताए ।
त्यहाँ रहेको घण्टाघरलाई रंगारोगन गरिएको छ । त्यसको मुनी बगैँचासमेत बनाइएको छ ।

बसपार्कभित्र बसहरुलाई स्टिममा राख्न इलेक्ट्रोनिक गेट पासको व्यवस्था गरिएको छ । कार्ड रिचार्ज गरेर बसपार्कमा आवश्यक्ताअनुसार पार्किङ गर्न सकिने सुविधा दिइएको छ ।


यसैगरी केही समयपछि नै नयाँ बसपार्कभित्र अब केही समयपछि ई-टिकेटिङ पनि सुरु गरिने मल्लले बताए ।

अहिले बसपार्कभित्र मनलाग्दी तवरले टिकट काटने गर्दा यात्रु ठगिने क्रम बढ्दो छ । केही समयभित्रै सबै काउन्टरलाई हटाएर लोत्सेले एकद्वार प्रणालीबाटै आफ्नै काउन्टरको ब्यवस्थापन गर्ने जनाएको छ ।

बसपार्कको स्तरीकरणपछि झण्डै ८ सय बस यहाँ पार्किङ गर्न सकिने छ । बसपार्क साँघुरो हुन सक्ने भन्दै डिजाइनमा परिवर्तनसहति बसपार्कको पूर्वीभागतर्फ होटललाई हटाएर पार्किङ स्थल नै बनाउने योजना छ ।

बसपार्कभित्र यात्रुहरुका लागि आवश्यक न्युनतम् पूर्वाधार विकास गरिनेछ । योजना पूरा भएपछि बसपार्कभित्र अहिले भएका सबै संरचनाहरु बदलिनेछन् । अबको २८ वर्षपछि लोत्सेले यी सबै संरचना सरकारलाई हस्तान्तरण गर्नेछ ।

‘हामीले भर्खरै काम सुरु गरेका हौं । अझ धेरै काम गर्न बाँकी नै छ’ मल्लले भने,’हामी बसपार्कलाई यो भन्दा सफा, सुन्दर र आधुनिक बनाउँछौं ।’














२०७४ भदौ २४ गते ११:२० मा प्रकाशित

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

१२ प्रतिकृयाहरू प्राप्त
  • rat लेख्नुहुन्छ    |   २०७४ भदौ २४ गते ११:३३

    kina bus park matra … nepal vana saath dherai manche lai lagchha ki phorai phor ko deshhh…

    15
    5
    Share

  • kriparam लेख्नुहुन्छ    |   २०७४ भदौ २४ गते १७:२७

    ATI RAMRO suruwat bhayo. mukhya kura bebasthapan ho. yeslai ajha ramro gari raakhna saknu paryo. toilet haru ajha dherai hunu parchha, pratek kuna ma. shubha kamana

    10
    0
    Share

  • हरि रोकाय लेख्नुहुन्छ    |   २०७४ भदौ २४ गते १८:५२

    हाम्रो नेपाल म हुनुपर्न बसपार्क मध्ये को एक नमुना बसपार्क हो यो

    5
    0
    Share

  • suman लेख्नुहुन्छ    |   २०७४ भदौ २४ गते २०:४३

    WOw Its very beautiful. All bus parks and other public places should be like this. This is a model to all of Nepali people. All Nepalese should protect these sites. We should maintain this types of places always neat and clean. Its our duty.

    Good Begining

    2
    0
    Share

  • Ram chandra bhatta लेख्नुहुन्छ    |   २०७४ भदौ २५ गते ०:२५

    मल्ल सर
    ई-टिकेटिङको व्यवस्था छिटै गरियोस।

    2
    0
    Share

  • Tanka Pokhrel लेख्नुहुन्छ    |   २०७४ भदौ २५ गते १३:३१

    लौन यो त उल्का भो । जे होस काम चाँही राम्रो हो ।

    5
    0
    Share

  • Prem लेख्नुहुन्छ    |   २०७४ भदौ २५ गते १६:१५

    Dherai dherai dhanyabad sabai TEAM lai nai.

    1
    0
    Share

  • यज्ञमूर्ति ज्ञवाली लेख्नुहुन्छ    |   २०७४ भदौ २५ गते १७:०६

    यो असाध्यै सह्राहनीय काम हो । आखिर सुरुवात त कही कतैबाट त गर्नै पर्ने थियो । ढिलैै भएपनि शुरु भएकोमा सम्बध्द पक्षलाई धन्यवाद । अब टिकटिङ्गलाई ब्यवस्थित र भरपर्दो बनाउँनु पर्छ । टिकट काट्ने कठिनाइले गर्दा हामी टाढाका यात्रुका लागि दशैँ दशा जस्तै भन्ने पुरानो कहावत सत्य जस्तो लागेेको छ । आउँदो असोज ५ गतेदेखि बिदा हुन्छ तर टिकट काट्ने झन्झटले गर्दा अहिले देखि नै टाउको दुख्न थालेको छ । सम्बध्द पक्षले यस तर्फ पनि ध्यान देओस । धन्यवाद ।

    3
    0
    Share

  • बिजय कुमार श्रेष्ठ (बझाङ्ग) लेख्नुहुन्छ    |   २०७४ भदौ २५ गते २२:००

    यदि मेरो आाखाले नेपाल देशे काठमाडौं क्षेत्रे गगंबु बस पार्कै को हुलिया हेर्दा धोका दिएको छैन भने सर-सफाई चाहीँ पशंसायोग्य नै छ । तर यस्तो सर-सफाई सँधै रहिरहोस । पानी र सर-सफाई सम्बन्धी कर्मचारीको उपयुक्त ब्यबस्थापन सहित सँधै यस्तै राखियोस । तर हामी प्रयोगकर्ताहरुले पनि अलिकति लाज मानेर भएर आफ्नो देश, आफ्नो राजधानी, आफ्नो गाउँ र आफ्नो घर सफा राख्न २४ सै घण्टा ध्यान दिऔं । अर्कोको देशमा मसुलमालकव खुट्टामा तेल लगाउने, इजरायली र मिम साहेबको भित्री बस्त्र धुने, टंटलापुर घाममा उँट चराउने तर घरमा आएपछि ढलेको लोटा उठाउन पनि आमा, भाउजु वा श्रीमतीलाई पर्खिने बानी त्याग्नै पर्छ । अनिमात्रै देश गाउँ र घर सफा राख्न सकिन्छ ।

    1
    0
    Share

  • k लेख्नुहुन्छ    |   २०७४ भदौ २६ गते १०:४७

    फरक यती मात्र छ कि अरु देशमा भए फोहोर, नरामरो कुरा देख्यो भने मान्छेहरु छक्क परछन। हाम्रो देशमा चाँही राम्रो, सफा कुरा देख्यो भने अचम्म हुने अवस्था छ।

    3
    0
    Share

  • haha लेख्नुहुन्छ    |   २०७४ भदौ २६ गते ११:०५

    aba Australia ko visa cancel garera naya bus park tira lagnu parla. hahaha

    1
    0
    Share

  • Ramdeep लेख्नुहुन्छ    |   २०७४ भदौ २६ गते १२:४६

    के नेपाली जननेताहरुको आँखा खुलेकै हो त? यदि खुलेकै हो भने गोङ्गबु बसपार्क मात्र हैन सिंगो देश नेपाललाई नै फोहोर मुक्त बनाउने अभियानको थालनी गर्नु पर्छ । अनि हेरौ कस्ले रोक्न सक्छ हाम्रो देश नेपाललाई स्वीजरल्याण्ड बनाउनबाट । कामको थालनी मात्र गरौ साथ दिनलाई नेपाली जनता हर हमेसा तयार रहने छन् । जय मेरो देश जय नेपाल ।।।।।।।।।।।।।।।।।

    1
    0
    Share

यसमा तपाइको मत




फेसबुकबाट तपाईको प्रतिक्रिया

Also you may like this