शुक्रबार, ५ माघ, २०७४
OnlineKhabar.com

त्रिवि भन्छः पद रिक्त छ, डा. अग्रवाल भन्छन्ः म नै डीन हूँ

अनलाइनखबर

२८ पुस, काठमाडौ । चार दिनका लागि चिकित्साशास्त्र अध्ययन संस्थान (आइओएम)को डीनमा पुनर्वहाली गरेका डा. शशी शर्माले बिहीबारबाट अवकाश पाएका छन् ।

सर्वोच्च अदालतबाट डीन बनेका शर्माको अवकाशसँगै आईओएमको डीन को भन्ने बहस सुरु भएको छ ।

त्रिभुवन विश्व विद्यालयले औपचारिक रुपमा कुनै निर्णय गरेको छैन । तर, डीन पद रिक्त रहने बताएको छ ।

‘त्रिविमा छलफल नभएका कारण डीन को बन्छ भनेर यसै भन्न सकिन्न’ रजिष्टार डिल्लीराम उप्रेतीले अनलाइनखबरसँग भने, ‘त्यतिञ्जेल डीन पद रिक्त नै रहन्छ । डीनको कार्यभाल केही दिनका लागि सहायक डीनले सम्हाल्नेछन् ।’

डा. गोविन्द केसीको अनसनद्धारा आईओएमको डीनमा नियुक्त भएका डा. जगदीश अग्रवालले शर्माको अवकाश लिएसँगै आफू नै डीन रहेको दाबी गरेकाछन् ।

‘सर्वोच्चले डा. शशी शर्मालाई चार दिनका लागि पुर्नबहाली गरेपनि मेरो नियुक्तिलाई गैरकानुनी भनेको छैन । त्यसैले मेरो नियुक्तिलाई लिएर अन्यथा बोल्न पनि मिल्दैन’ उनले भने ।

आफूले शुक्रबारबाट पुनः डीनको पद सम्हालेको भन्दै अग्रवालले भने, ‘यस पदका सन्दर्भमा केही शुद्धाशुद्धी गर्नु पर्ने हो भने त्रिविले कुनै निर्देशन दिनु पर्‍यो । हैन भने अदालतबाट आएको आदेश नै यस पदमा रहिरहनको लागि पर्याप्त छ ।’

शर्मालाई पुनर्वहाली गर्न आदेश दिएपछि नै डा. गोविन्द केसीले आमरण अनसन थालेका थिए । त्यही क्रममा उनीविरुद्ध अदालतको अवहेलनाको मुद्दा लाग्यो भने उनी पक्राउ पनि परे । तर, उनको माग अनुसार प्रधानन्यायाधीश गोपाल पराजुली पनि न्यायिक छानविनको दायरमा आएका छन् ।

२०७४ पुष २८ गते १३:३२ मा प्रकाशित

सम्बन्धित शीर्षकहरु

अनलाइनखबर सिधै एपबाट खोल्नुहोस् । एन्ड्रोइडका लागि यहाँ र आइफोनका लागि यहाँ क्लिक गर्नुहोस् । तपाईं हामीसंग फेसबुक, ट्वीटरयुट्युव मार्फत् पनि जोडिन सक्नुहुन्छ ।

मुख्य खबरहरु

४ प्रतिकृयाहरू प्राप्त
  • kusan sharma लेख्नुहुन्छ    |   २०७४ पुष २८ गते १३:४५

    टिचिंगमा एउटा मात्र डीन हुन्छन,

    अदालतले डा.शशी शर्मालाई,

    पुननियुक्त गर्नुको अर्थ(जगदिस अग्रवाल डीन पदबाट हटाएर शशी शर्मालाई राख भनेको हो),

    त्यसै भयो,
    उनी डीन भएर ४ दिन,

    काम गरेर(४ बर्षको सबै तलब लगायत सुबिधा लिएर) बिदा भए,

    अब डीन पद खालीनै मान्नुपर्छ,

    बरु TU ले फेरी जगदिस अग्रवाललाई वा अरु सिनियरलाई,

    डा.केसीलाई पनि विश्वासमा लिएर नियुक्त गर्न सक्छ,

    यो कानुन नजानेपनी,
    सोझो रुपमा मैले बुझेको कुरो हो है l

    9
    2
    Share

  • Manish लेख्नुहुन्छ    |   २०७४ पुष २८ गते १४:१८

    समस्या रछ त ! अरु कसैलाई नियुक्ती गर्‍यो भने फेरी गोबिन्द केसी को मान्छे हुनु पर्ने होला !

    1
    1
    Share

  • Avas Upadhyay लेख्नुहुन्छ    |   २०७४ पुष २८ गते १४:४२

    Politics le nabigareko thau kati xaena hamro Naya Nepal ma.

    0
    0
    Share

  • Khamma Singh Darlami लेख्नुहुन्छ    |   २०७४ पुष २८ गते १५:४६

    Dr. Jagadish is the Dean. TU Vulture s have evil greedy eye on this post, but Dr. KC is protecting IOM From these greedy, corrupt people

    3
    2
    Share

यसमा तपाइको मत




फेसबुकबाट तपाईको प्रतिक्रिया

Also you may like this