१६ फागुन, काठमाडौं । महानगरीय प्रहरी प्रभाग, नागढुंगाले एक किलो गाँजासहित दुई जनालाई पक्राउ गरेको छ ।
पक्राउ पर्नेमा ललितपुर–११, बंगलामुखीका २२ वर्षीय खुरज खड्गी र सिन्धुपाल्चोकको चौतारा घर भइ हाल काठमाडौंको पेप्सीकोलाका २१ वर्षीय कौशल श्रेष्ठ छन् ।
धादिङबाट काठमाडौंतर्फ पैदलमार्फत आउँदै गरेका उनीहरुले शंकास्पद गतिविधि देखाएपछि चेकजाँच गर्ने क्रममा कौशलको साथबाट झोलामा लुकाएर ल्याउँदै गरेको १ केजी गाँजा फेला पारिएको महानगरीय प्रहरी परिसरले जनाएको छ ।
बरामद लागूऔषधसहित दुई जनालाई महानगरीय प्रहरी वृत, थानकोट पठाइएको छ ।
