हरेक वर्षको होलीमा नायिका करिश्मा मानन्धरको गोदावरीस्थित निवासमा ठूलै रमझम हुन्छ । चलचित्र क्षेत्रका थुप्रै व्यक्तिहरुलाई निम्त्याएर खानपानसहित उनले होली मनाउने गरेकी छिन् ।
यसपाली पनि उनले यो परम्परा कायम राखिन् । अतिथिहरुसँग खुलेर नाचिन् । उनका श्रीमान विनोद मानन्धरले पनि अतिथिहरुलाई स्वागत गरेका थिए ।
यद्यपि आजको होलीमा भने चिनिएका कलाकारहरु खासै देखिएनन् । विगत वर्षहरुमा होली भन्नेवित्तिकै करिश्माको घर जान खुट्टो उचालेर बस्थे कलाकारहरु ।
यसपटक भने अधिकांस अपरिचित व्यक्तिहरु थिए । यद्यपि रमझम भने कम थिएन । त्यसो त अन्यत्र पनि होलीका थुप्रै कार्यक्रमहरु आयोजना भइरहेको हुनाले कलाकारहरु बाँडिएका हुन सक्छन् ।
तस्वीर : विकास श्रेष्ठ/अनलाइनखबर
