+
+

दिनेश डीसीबाट अवार्ड थाप्दा के चल्यो भुवनको मनमा ?

अनलाइनखबर अनलाइनखबर
२०७५ जेठ ११ गते १४:०७

बिहिबार आयोजना भएको दशौं डी सिने अवार्ड कार्यक्रममा नायक भुवन केसीलाई निर्देशक दिनेश डिसीले एउटा विधामा अवार्ड थमाए । आफूभन्दा जुनियर व्यक्तिबाट अवार्ड थापिरहँदा भुवनको मनमा के चलिरहेको थियो कुन्नी, अनुहारमा भने मुस्कान नै थियो ।

भुवन र दिनेश बीच अवार्ड लेनदेन भइरहँदा उनीहरुको सम्वन्धबारे जानकारहरु भने विगतमा फर्किएका थिए । भुवनको निर्देशित चलचित्र ‘डि्रम्स’ र दिनेश निर्देशित चलचित्र ‘फूलै फूलको मौसम तिमीलाई’को प्रदर्शन मिति जुधेको थियो । त्यसबाट रुष्ट बनेका दिनेशले भुवनका छोरा नायक अनमोल केसीको बारेमा विभिन्न टिप्पणी गरेका थिए ।

अनमोललाई अभिनय नै नआउने, अनमोल त हिजोको बच्चा जस्तो टिप्पणी गर्दै उनले आफ्नो चलचित्रको प्रचार भन्दा अनमोलको मजाक उडाउन बढि समय खर्चिए । त्यसले दिनेश र भूवन केसीविच पनि सम्बन्ध विग्रियो ।

‘फूलै फूलको मौसम तिमीलाई’ चलेन, ‘डि्रम्स’ले बम्पर कमाई गर्‍यो । त्यसपछि पनि दिनेश र भूवनको बोलचाल कमै मात्र भयो । नायक अनमोल केसी त दिनेशले आयोजना गरेको ‘सीजी फिल्म अवार्ड’ मा उपस्थित नै भएनन् । अनमोलले पाएको अवार्ड भूवनले लिइदिएका थिए ।

तर, बिहिबार ‘दशौ डी सिने अवार्ड’मा दिनेश र भुवन आमनेसामने भए । अवार्ड दिदै र लिदै गर्दा दुई जनामा मुस्कान देखियो । नायक केसीले दिनेश डीसीको हातबाट अवार्ड लिदा आफूलाई खुशी लागेको छोटो प्रतिक्रिया दिए । कतै यो ‘मुटुमाथि ढुंगा राख हिाँस्नुपर्‍या छ’ भनेजस्तो त होइन ?

यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय
Advertisment

धेरै कमेन्ट गरिएका

छुटाउनुभयो कि ?