२१ असार, काठमाडौं । सरकारले तोकेको बाहेकको क्षेत्रमा प्रदर्शन गरेको आरोपमा प्रहरीले १२ जनालाई पक्राउ गरेको छ ।
अनसनरत डा. गोविन्द केसी र गंगामाया अधिकारीको पक्षमा काठमाडौंको माइती घर मण्डला क्षेत्रमा प्रदर्शन गरेको आरोपमा काठमाडौं प्रहरी परिसरले उनीहरुलाई पक्राउ गरेको हो ।
पक्राउ पर्नेमा इन्द्रप्रसाद अर्याल, चरण प्रसाईं, लोकराज अवस्थी लगायत १२ जना रहेको परिसरका प्रमुख एसएसपी विश्वराज पोखरेलले अनलाइनखबरलाई बताए ।