२५ असार, काठमाडौं । के तपाईंले जथाभावी पार्किङ गरेको सवारीसाधनका कारण समस्या भोग्नु परेको छ ? यदी त्यसो हो भने ट्राफिक प्रहरीको मोबाइल एपमार्फत फोटो पठाउनुस् ।
यसरी ट्राफिक प्रहरीको मोबाइल एप्लिकेशनमा जथाभावी पार्किङ गरेको भन्दै फोटोसहित उजुरी परेपछि ४ जना सवारी धनीमाथि कारबाहीमा परेका छन् ।
महानगरीय ट्राफिक महाशाखाले ‘हाम्रो ट्राफिक’ एप्लिकेशनमा आएको उजुरीको आधारमा उनीहरुलाई कारबाही गरेको हो ।
महाशाखाका अनुसार सवारी साधनहरुले सडक पेटीमा पार्किङ गरी पैदलयात्री तथा अन्य सवारीसाधानको आवगमनमा अवरोध गरेको भन्दै फोटोसहित गुनासो आएपछि कारबाही गरिएको हो ।
त्यसरी कारबाहीमा पर्नेहरुमा बा ३ च ८६८४, बा १८ च २१७८, बा ३४ प ३९४१ र बा ६ च ४१४० छन् ।