२२ असोज, काठमाडौं । यती एयरलाइन्सको जहाजमा स्याल ठोक्किएको छ । काठमाडौंबाट गएको यतीको ‘एटिआर-७२’ विमान नेपालगंज विमानस्थलमा अवतरण गर्नेक्रममा धावनमार्गमा स्याल ठोक्किएको हो ।
स्याल ठोक्किएपनि विमानमा कुनै क्षति नभएको नागरिक उड्डयन कार्यालय नेपालगञ्जका निर्देशक एवं विमानस्थलका प्रवक्ता प्रेमनाथ ठाकुरले अनलाइनखबरलाई जानकारी दिए ।
घटनाका बेला विमानमा रहेका यात्रुलाई पनि केहि भएको छैन । उनका अनुसार घटना आइतबार साँझ सवा सात बजेतिरको हो । विमान अवतरण गरिरहेका बेला स्याल धावनमार्ग क्रस गर्न लाग्दा चक्कामा परेको थियो ।
स्याल घटनास्थलमै मरेको छ । विमानस्थल आसपास झाडी रहेकाले स्यालको आउजाउ हुने गरेको उनले बताए ।
स्याल किचिएपछि रगताम्य भएको धावनमार्ग दमकल लगाएर तत्कालै सफाइ गरिएको ठाकुरले बताए । पाइलटले खबर गरेपछि मात्रै विमानस्थल व्यवस्थापनले घटनाबारे थाहा पाएका थिए ।
फेरि यस्ता घटना दोहोरिन नदिन विमानस्थल भित्र र आसपासको झाडी फडानी गर्न थालिएको उनले बताए ।
यो खबर पढेर तपाईलाई कस्तो महसुस भयो ?
खुसी
दुःखी
अचम्मित
उत्साहित
आक्रोशित
प्रतिक्रिया
Hot Properties
.jpg "Land for Sale in Lubhu")
%20-%20Copy.jpg "4 BHK House for Rent at Bhaisepati")
.jpg "Residential Land for Sale at Imadol")
प्रतिक्रिया 4