कात्तिकको पहिलो साताबाट छायांकन प्रारम्भ हुन लागेको चलचित्र ‘राधा २’मा नायिका प्रियंका कार्की र नायक आयुष्मान देशराज जोशीको मुख्य भूमिका रहनेछ ।
साथमा, यो चलचित्रबाट अमेरिकामा रहँदै आएका नव-कलाकार विशाल पोखरेलको पनि चलचित्र यात्रा सुरु हुँदैछ । योगेश घिमिरेको निर्देशनमा तयार हुन लागेको यो चलचित्र म्यूजिक लभस्टोरी कथामा निर्माण हुँदैछ ।
चलचित्रको पत्रकार सम्मेलन गर्ने योजनामा निर्देशक थिए । तर, नायिका कार्की न्यूजिल्याण्ड उडेपछि उनको योजना रद्द भएको छ । चलचित्र ‘राधा’मा संचिता लुइटेल र जीवन लुइटेलको मुख्य भूमिका थियो । तर, यसपटक योगेशले कलाकारको लाइनअप बदलेका छन् । 
