२८ असोज, काठमाडौं । महानगरीय प्रहरी वृत्त, नयाँ बानेश्वरले प्रहरीलाई घुस दिन खोज्ने दुई जनामाथि सार्वजनिक अपराध ऐन अन्तरगत मुद्दा चलाएर अनुसन्धान अघि बढाएको छ ।
ट्रकमा बालुवा ल्याउँदै गरेका वेला चेकिङमा रहेका प्रहरीलार्इ घुस दिन खोज्ने सह–चालक विनोद श्रेष्ठ र चालक भेषकुमार श्रेष्ठलाई पक्राउ गरिएको हो ।
चेकिङमा रहेका प्रहरी प्रभाग, काँडाघारीका अधिकारीहरुले दुवै जनालार्इ पक्राउ गरेको थियो । उनीहरुमध्ये विनोदले २ सय रुपैयाँ र भेषकुमारले ५ सय रुपैयाँ प्रहरीलाई दिन खोजेको प्रहरीले जनाएको छ ।
यसअघि काँडाघारीमा बालुवा तस्करी गर्ने समूहसँग घुस लिएको अारोपमा अख्तियार दुरूपयोग अनुसन्धान अायोगको टोलीले ९ जना प्रहरी अधिकारीलार्इ पक्राउ गरेको थियो ।
त्यसलगत्तै, कोटेश्वर र काँडाघारी प्रहरी प्रभागको नेतृत्व परिवर्तन गरिएको थियो ।
