+

लिभरपुलका लागि सलाहको ५० गोल

२०७५ कात्तिक  ८ गते ६:४३ २०७५ कात्तिक ८ गते ६:४३
लिभरपुलका लागि सलाहको ५० गोल

काठमाडौं । मोहम्मद सलाहको दुई गोलको मदतमा लिभरपुलले च्याम्पियन्स लिगमा रोड स्टार बेलगार्डमाथि सहज जित हात पारेको छ ।

बुधबार राति भएको खेलमा लिभरपुलले रेड स्टारलाई ४–० गोल अन्तरले हराएको हो ।

एन्फिल्डमा भएको खेलमा घरेलु टोलीmे २० औं मिनेटमा रोबर्टो फिर्मिनोको गोलबाट अग्रता लिएको थियो । ४५ औं मिनेटमा सलाहले गोल गर्दै अग्रता दोब्बर पारे ।

दोस्रो हाफको ५१ औं मिनेटमा पाएको पेनाल्टीमा सलाहले गोल गरे । योसँगै लिभरपुलका लागि उनको गोल संख्या ५० पुगेको छ । उनले पहिलो सिजन सबै प्रतियोगितामा गरेर क्लबका लागि ४४ गोल गरेका थिए ।

एकपक्षीय खेलको ८० औं मिनेटमा साडिओ मानेले गोल गर्दै लिभरपुललाई ४–० को जित दिलाए ।

लेखक
अनलाइनखबर
यो खबर पढेर तपाईलाई कस्तो महसुस भयो ?
Khusi chhu

खुसी

Dukhi chhu

दुःखी

Achammit chhu

अचम्मित

Utsahit Chhu

उत्साहित

Akroshit Chhu

आक्रोशित

प्रतिक्रिया

भर्खरै पुराना लोकप्रिय