९ कात्तिक, वीरगञ्ज । प्रहरीले वीरगञ्जबाट अवैध लागूऔषध नाईट्रोभेट ट्याबलेटसहित एकजनालाई पक्राउ गरेको छ । प्रहरीले मकवानपुर मनहरी गाउँपालिका-८ बस्ने २२ वर्षीय घनश्याम बिकलाई लागूऔषधसहित पक्राउ गरेको हो ।
अस्थायी प्रहरी पोष्ट इनर्वागाँउ पर्सावाट खटिएको प्रहरी चेकजाँच टोलीले जिल्ला पर्सा वीरगञ्ज महानगरपालिका-१६ इनर्वा गाँउस्थित सडकमा सवारी साधन तथा पैदल यात्रीहरुसमेतको चेकजाँच गर्ने क्रममा भारतको रक्सौल तर्फबाट वीरगंजको बसपार्कतर्फ पैदल आउँदै गरेका विकको साथबाट लागूऔषध नाइट्रोभेट ट्याबलेट बरामद गरेको थियो ।
विकको साथबाट लागूऔषध नाईट्रोभेट ट्याबलेट ३ पत्ता (१५ पिसको दरले ४५ पिस) फेला परेकोले आवश्यक कारबाहीका लागि नियन्त्रणमा लिइएको जिल्ला प्रहरी कार्यालय पर्साका प्रवक्ता प्रहरी नायब उपरीक्षक मानबहादुर राईले जानकारी दिए ।
विकविरुद्ध लागूऔषध शीर्षकमा मुद्दा दर्ता गरी थप अनुसन्धान भईरहेको जिल्ला प्रहरी कार्यालय पर्साले जनाएको छ ।
प्रतिक्रिया 4