२०७५ मंसिर ३ गते ८:२० 
३ मंसिर, काठमाडौं । स्वीट्जरल्यान्डले यूईएफए नेसन्स लिग फुटबलमा बेल्जयमलाई पराजित गर्दै सेमिफाइनलमा प्रवेश गरेको छ ।
आफ्नै मैदानमा भएको खेलमा स्वीट्रल्यान्डले बेल्जियमलाई ५–२ गोलअन्तरले पराजित गरेको हो । सुरुवाती समयमा नै दोब्बर गोलको अग्रता बेल्जियमले जोगाउन सकेन । खेलको दोस्रो मिनेटमा नै थोगन हजार्डले गोल गर्दै बेल्जियमलाई अग्रता दिलाएका थिए ।
फेरी खेलको १७ औं मिनेटमा उनले अर्को गोल गर्दै बेल्जियमलाई दोब्बर अग्रता दिलाएका थिए ।
शानदार सुरुवात गरेको बेल्जियमले यसपछि भने राम्रो प्रदर्शन गर्न सकेन । खेलको २६औं मिनेटमा नै पेनाल्टीबाट बेल्जियमले गोल खान पुगेको थियो । २६ औ मिनेटमा रिकार्डो रोड्रिग्वेजको गोलबाट स्वीट्जरल्यानडले २–१ गोलको स्थितिमा पुगेको थियो । स्वीजरल्यान्डको जितमा हरिसले ह्याट्रिक गोल गरे । ३१औं, ४४ औं र ८४औं मिनेटमा गोल गर्दै उनले ह्याट्रिक गोल पूरा गरेका थिए । त्यस्तै, खेलको ६२औं मिनेटमा निसो एलभिडीले गरेका थिए ।
प्रतिक्रिया 4