२०७५ मंसिर ४ गते १६:३६ 
४ मंसिर, काठमाडौं । नेपाली फुटबल टिमका युवा स्ट्राइकर विमल घर्तिमगर ट्रायलका लागि बेल्जियम जाने भएका छन् ।
च्यासल युथ क्लबबाट ए डिभिजन लिग फुटबल खेल्दै आएका विमल करिब १० दिनपछि बेल्जियमको क्लबमा ट्रायल दिन जाने भएका हुन् । च्यासल युथ क्लबका टिम टिम म्यानेजर शंकर ब्यञ्जनकारले विमल केहीदिनमा ट्रायलका लागि बेल्जियम जाने जानकारी दिए ।
उनले भने, ‘भोलि बाहिर जाने भनेर रिलिज गरेका थियौं । तर उसको १०-१२ दिन सर्ने भयो । त्यही भएर हामी पछि नै रिजिल गर्छौ । विमलले ए डिभिजन लिगको तेस्रो र चौथो राउण्डको खेल खेल्छ ।’
विमल कुन क्लबमा ट्रायल दिन जानु लागेको हो भन्ने आफूलाई थाहा नभएको म्यानेजर ब्यञ्जनकारले बताए ।
प्रतिक्रिया 4