७ मंसिर, रामेछाप । रामेछापको सदरमुकाम मन्थली नगरपालिका-१ भैसेश्वरमा शुक्रबार दिउँसो मोटरसाइकलले ठक्कर दिँदा एकजनाको मृत्यु भएको छ ।
मोटरसाइकलको ठक्करबाट मन्थली नगरपालिका-६ हात्तिटारका ५५ वर्षीय काले माझीको मृत्यु भएको हो ।
मन्थलीको थापाचोकबाट मन्थली बजारतर्फ आउँदै गरेको बा५७प ४७२७ नम्बरको मोटरसाइकलले ठक्कर दिँदा माझीको घटनास्थलमा नै मृत्यु भएको प्रहरीले जनाएको छ ।
सडकमा हिँडिरहेका बेला माझीलाई मोटरसाइकलले ठक्कर दिएको थियो । मोटरसाइकल चालक प्रेम रानामगरलाई प्रहरीले नियन्त्रणमा लिएको छ ।