काठमाडौं । ओलिभर जिरउड तेस्रो सर्वाधिक गोलकर्ता बन्दा फ्रान्सले आइसल्याण्डमाथि सहज जित हात पारेको छ ।
युरो कप छनोटमा विश्व विजेता फ्रान्सले आइसल्याण्डलाई ४–० गोल अन्तरले हराएको हो । घरेलु टोलीलाई १२ औं मिनेटमा उम्टिटीले अग्रता दिलाएका थिए ।
बाँकी तीन गोल भने दोस्रो हाफमा भयो ।
६८ औं मिनेटमा जिरउडले गोल गरे । फ्रान्सका लागि ८९ खेल खेलका उनको यो ३५ औं गोल हो । यससँगै उनले फ्रान्सका तेस्रो सर्वाधिक गोलकर्ता बनेका छन् ।
केलियन एम्बाप्पे र एन्टोनी ग्रिजम्यानले गोल गरेपछि समूह एचमा रहेको फ्रान्सले दोस्रो जित निकालेको छ ।